Hajnat vodhën medaljen e heroit Agim Ramadani

20:52 | 9 Prill 2018
M. A.

Katër vjet më parë familjes së Agim Ramadanit iu thye banesa në Prishtinë dhe hajnat vodh medaljen e “Heroit të Kombit” që iu nda atij nga Presidenca.

Por që nga atëherë, Familja Ramadani ka mbetur pa këtë medalje që ua dhuroi presidentja Atifete Jahjaga.

Bashkëshortja e Komandant “Katanës”, Shukrije Ramadani përmes një bisede telefonike për Televizionin 7 ka thënë se medajla asnjëherë nuk është gjetur nga Policia e Kosovës, por ajo as nuk është zavendësuar me një medalje të re nga ana e Presidencës së Kosovës.

Ngjarja kishte ndodhur në 15 vjetorin e rënies së Agim Ramadanit, kur hajnat ishin futur në banesën e familjës në Breg të Diellit, derisa familja gjendej në Zhegër për të pritur miqt dhe të afermit për këtë ditë.

Ndonëse ngjarja u bë publike në media, institucionet kishin heshtur për këtë rast.

Televizioni ka pyetur Zyrën e Presidentit, por ata nuk kanë treguar nëse do ta zavendësojnë medaljen për heroin i cili ra me 11 prill të vitit 1999 në betejnë e Kosharës.

 

Shpërndaje në rrjete sociale

Lajmet më të lexuara

Të ngjashme

Foto lajm